2025 жылғы 12 желтоқсанда Қарқаралы қаласында өңір үшін маңызды оқиға – Қазақстандағы Орнықты даму мақсаттарын (ОДМ) жергілікті деңгейде ілгерілету мақсатында ұйымдастырылған «GLocal – Қазақстанда Тұрақты даму мақсаттарының локализациясын ілгерілету» жобасы аясында жергілікті бастамалар байқауының жеңімпаздары жарияланды. Жоба «АРГО» қоғамдық бірлестігі, «ЭКОЦЕНТР» қоғамдық ұйымы және «Инициативаларды қолдау» қоғамдық ұйымының бірлескен жұмысы нәтижесінде Еуропалық Одақтың қаржылық қолдауымен жүзеге асырылуда.
GLocal – бұл өңірлерге Орнықты даму мақсаттарын (ОДМ) өздерінің басымдықтарына бейімдеуге және оларды халық үшін нақты әрі сезілетін шешімдерге айналдыруға көмектесетін бағдарлама. Қарқаралы қаласында жұмыс жергілікті қоғамдастық, әкімдік және қоғамдық ұйымдармен тығыз серіктестікте жүргізілуде: ОДМ бойынша аумақтық модель әзірленіп, зерттеулер жүргізілді, даму бағыттары анықталды, және олар 2025–2027 жылдарға арналған Қарқаралы қаласының Даму жоспарында қамтылды. Жобаның маңызды құрамдас бөлігінің бірі – жергілікті бастамалар байқауы болды, ол қауымдастықта тікелей пайда болатын идеяларды қолдауға мүмкіндік береді.
Қарқаралы қаласында ең жақсы ұсыныстарды іске асыру үшін 18 миллионнан астам теңге бөлінді. Қаржыландыру үш бастаманы жүзеге асыруға берілді, олар адам әлеуетін дамытуға, жергілікті экономиканы қолдауға және аумақтың тұрақты даму тәсілдерін ілгерілетуге бағытталған.
- «Білімге жол» жобасы, «Jarqyn bolashaq» ҚБ. Жоба әлеуметтік тұрғыдан осал отбасылардан шыққан балаларға сапалы білім алу мүмкіндігін кеңейтуге бағытталған. Инициатива қосымша сабақтар, оқу дағдыларын дамыту және білім алу қиындықтарын бастан кешіріп жүрген оқушыларды қолдауды қамтиды.
- «Дәм мен форма шеберханасы» жобасы, «Азамат» ҚБ. Жобаның мақсаты – Каркаралинск қаласы мен ауылдарындағы әйелдердің экономикалық белсенділігін қолдау. Жыл бойы 30 әйел қолөнер дағдыларын, жергілікті өнімдерді қайта өңдеу және кәсіпкерлік негіздерін үйренеді.
- «SDG Hub Қарқаралы», «Qaiyrymdy Ister Birlestigi-Qarqaraly-2018» ҚБ. Инициатива өңірдегі Тұрақты даму мақсаттарын ілгерілету үшін алғашқы алаңды құрады – бұл тұрғындарға ОДМ туралы ақпарат алуға, өз жобаларын әзірлеуге, диалогтар мен іс-шараларға қатысуға мүмкіндік беретін кеңістік.
Қосымша ақпарат алу үшін Айнель Қайназароваға (АРГО) +7 701 440 2895 телефоны арқылы немесе akainazar1@gmail.com электронды поштасына хабарласуға болады, сондай-ақ Қазақстандағы Еуропалық Одақ Делегациясына delegation-kazakhstan-pic@eeas.europe.eu мекенжайы бойынша хабарласуға болады
Бұл жарияланымды Еуропалық Одақ қаржыландырды/бірлесіп қаржыландырды. Оның мазмұнына тек АРГО жауапты және ол міндетті түрде Еуропалық Одақтың көзқарасын білдірмейді.
Еуропалық Одақ – Еуропаның 27 елінен тұратын экономикалық және саяси одақ. Ол – адамның қадір-қасиетін құрметтеу, бостандық, демократия, теңдік, заң үстемдігі және адам құқықтары, соның ішінде азшылық өкілдерінің құқықтарын құрметтеу құндылықтарына негізделген. Қоғам, қоршаған орта және экономиканың тұрақты дамуына жәрдемдесу үшін әркімнің пайдасына орай жаһандық деңгейде әрекет етеді.